De Wisefestival ass een Open-Air Musekfestival organiséiert vun den Eschduerfer Guiden a Scouten. Vun 12:00 Auer un wäerte local a lëtzebuerger Artisten iech mat hiren feinste Kläng verféieren an Eschduerf zum danzen, grooven an ofgoe bréngen.

Mee d’Vilfalt vum Wisefestival geet wäit iwwer d’Musek eraus. Eng grouss Auswiel u Iess- Gedrénksstänn féiert iech kulinaresch mat enger grousser Offer duerch den Dag.

Och fir Familljen a Kanner ass gesuergt: Vun 12:00 -17:00 kënnen all eis Jonk an all déi déi sech sou fillen, an eiser Kids-Zone, kreativ Atelier’en, spilleresch Aktivitéiten an déi eng oder anerer Attraktioun erliewen.

Zousätzlech kënnt dir op eise Maartstänn vu lokale Kënschtler a Kreativen allerlee schéin a mat Léift gemaachte Saache entdecken – perfekt, fir e klenge Souvenir oder eppes Besonnesches mat Heem ze huelen.

De Wisefestival ass méi wéi just e Festival – et ass eng Geleeënheet fir zesummenzekommen, nei Leit kennen ze léieren an e flotten Dag an entspaanter Atmosphär ze verbréngen. Mir freeën eis op iech!